Hlín

Nýjasta portrettið, ekki endanlegt, smá snurfus eftir.  Olía á striga, 60 x 40 cm.

Getraun fyrir listhneigða lesendur: til hvaða fyrirmynda(r) er hér verið að vísa?

Athugasemdir

[Helga (IP-tala skráð) 14.3.2009 kl. 22:26]

Stúlka með perlueyrnalokk ? Hollenskur 17. aldar málari.

[Vilhjálmur Þorsteinsson, 14.3.2009 kl. 22:56]

Neibb, þú ert reyndar nálægt annarri fyrirmyndinni sem ég var með í huga...

[Hjálmar Gíslason (IP-tala skráð) 15.3.2009 kl. 01:42]

Young Girl Reading eftir Jean-Honoré Fragonard?

Hef reyndar lítið vit á listum (en mikinn áhuga á að bæta úr því), en nokkuð sleipur á Google ;)

[Borgar (IP-tala skráð) 15.3.2009 kl. 02:02]

Mér finnst sterkur Vermeer í þessu. Hann á a.m.k. tvö verk, Stúlka les við opin glugga, og svo seinna þekktara verk Kona í bláu les bréf. Ég ætla að skjóta á Kona í bláu les bréf.

Ég er er mjög hrifinn af þessari mynd (þeas. þinni). Ekki laga hana of mikið. :-)

[Vilhjálmur Þorsteinsson, 15.3.2009 kl. 02:12]

Borgar, þú færð 4 stig af 10 mögulegum, það er Kona í bláu að lesa bréf eftir Vermeer.  En hins vegar var sú mynd (og e.t.v. fleiri svipaðar eftir hann, t.d. þessi) fyrirmynd annarrar, miklu nýrri, sem er ennþá frekar fyrirmynd mín.  6 stig í pottinum fyrir þann sem svarar því hver sú er!

[Stefán (IP-tala skráð) 15.3.2009 kl. 07:46]

Í ljósi þess að veit lítið sem ekkert um myndlist, sem gerir þetta væntanlega hæfilega marklaust, ætla ég að sleppa því að giska en í stað þess að hrósa þér fyrir myndina sem mér finnst sérstaklega falleg, "áreynslulaus" og bera með sér ást á viðfangsefninu.

Ég veit ekki hvort að þetta eru "tæk" lýsingarorð í þessum geira en til hamingju með þetta.

[Vilhjálmur Þorsteinsson, 15.3.2009 kl. 11:13]

Takk fyrir innleggið og hrósið, Stefán.  Myndin er af dóttur minni, sem skýrir kannski "ástina á viðfangsefninu"

[Vilhjálmur Þorsteinsson, 15.3.2009 kl. 14:42]

Hjálmar, Fragonard-myndin gæti alveg hafa verið fyrirmynd, ef ég hefði séð hana áður!  En Vermeer var næstum 120 árum á undan með sínar lestrarmyndir.

[Vilhjálmur Þorsteinsson, 16.3.2009 kl. 11:07]

Það gengur hægt hjá lesendum að giska á seinni (og aðal-) fyrirmyndina!

Hér kemur vísbending: Eftirnafn málarans byrjar á R, og hann er eftir því sem ég best veit núlifandi.

[Jónas Antonsson (IP-tala skráð) 16.3.2009 kl. 23:20]

Ég nördaðist á google (eins og Hjálmar) í all góðan tíma án þess að finna einhverja haldbæra niðurstöðu, með tillits til nýjustu vísbendinga. Það hjálpar mér eflaust ekki að ég hef ekkert sérstaklega mikið vit á myndlist (aftur, eins og Hjálmar).

Þetta ber kannski einna helst vott um mikinn nördisma - að verða að reyna að svara spurningum sem maður hefur ekkert vit á. En fyrir vikið veit ég eitthvað um Vermeer eftir allt gúgglið.

Annars tek ég undir með öðrum varðandi gæði myndarinnar. Glæsilegt.

[Vilhjálmur Þorsteinsson, 16.3.2009 kl. 23:27]

Gott þú lærðir eitthvað af þessu, Jónas, þá hef ég ekki eins mikið samviskubit yfir að hafa eytt tíma þínum!

Ég held að það sé útséð með að 6 stiga svarið komi.  Borgar má vera stoltur af sínum 4 stigum.

Svarið er sem sagt Lesende ("Lesandi") eftir þýska málarann Gerhard Richter, sem ég held mikið upp á.  Hann er alger meistari, og þegar menn skoða myndina hans, sjá þeir glöggt að ég er þvottekta amatör!

Þessi mynd er í eigu San Francisco Museum of Modern Art, og ég hef séð frummyndina þar.  Mögnuð. Yfirborð myndarinnar er rennislétt, ég veit ekki hvernig Richter fer að því að ná þessari áferð.

[Kári Harðarson, 17.3.2009 kl. 09:23]

Góð mynd hjá þér, ég held ég sjái þess merki að þú hefur varið hluta af starfsævinni í Hollandi.

Richter er rosalega flottur, ég mun leggja nafn hans á minnið.

[Finnur Bárðarson, 17.3.2009 kl. 15:27]

Skelfing er gaman að vita af einhverjum sem er ekki bara að lemja lyklaborð. Fallegt.

[Tóti (IP-tala skráð) 17.3.2009 kl. 17:13]

Stórglæsileg mynd og nær fyrirsætunni mjög vel.

Þar sem ég missti af þessu spjalli vegna ferðalags og svarið komið fram, þá fannst mér strax að fyrirmyndin væri sótt til Vermeers, vissi reyndar ekki af lestrarseríunni en sá Woman admiring pearls fyrir mér.

En þú ert greinilega búinn að koma þér á gott plan á þessu sviði sköpunar.

[Örn Orrason (IP-tala skráð) 18.3.2009 kl. 11:15]

Þú ert bara skrambi flinkur

[Vilhjálmur Þorsteinsson, 18.3.2009 kl. 13:08]

Takk fyrir viðbrögðin.  Finnur, það er óneitanlega mjög góð tilbreyting að fást við pensil og olíu, og leiða hugann frá nýjustu elds- og brennisteinsathugasemdunum á Silfri Egils.