3.600 manns eru sammála

Síðast þegar ég leit á www.sammala.is voru komin um 3.600 nöfn á listann.  Fólk úr öllum áttum: forystufólk úr athafnalífi, listum, akademíu, frumkvöðlar, verkfræðingar, kennarar...  Fólk sem telur skynsamlegt að við sækjum um aðild að Evrópusambandinu og kjósum svo um þann samning sem býðst.

En Sjálfstæðisflokknum finnst það vera della, og að þetta fólk sé á villigötum.

Flokkurinn ætti að velta fyrir sér hvort hann sé kannski sjálfur á villigötum.

(Sem hann er, og ekki bara í þessu máli.  Enda horfur á að hann verði þriðji stærsti flokkur landsins eftir þessar kosningar.)

(Uppfærsla kl. 18:00: Talan nálgast nú óðfluga 5.000 manns!)

(Uppfærsla á miðnætti aðfararnótt þriðjudags: Talan er núna 7.600!)

Athugasemdir

[Sigurður (IP-tala skráð) 19.4.2009 kl. 11:41]

Samkvæmt síðustu skoðanakönnunum var Samfylkingin að mælast stærsti flokkurinn. En þó aðeins með um 30% fylgi. Samfylkingin er eini flokkurinn sem hefur vill ganga í Evrópusambandið. Er það þá ekki hæpið að ráðast eingöngu gegn Sjálfstæðisflokknum? Flokkarnir fyrir utan Samfylkinguna fá jú 70% fylgi Íslendinga í skoðanakönnunum, það eru þeir flokkar sem eru á móti Evrópusambandinu.

Er Samfylkingin ekki á villigötum spyr ég nú frekar?

[Sigurdur Sigurdarson (IP-tala skráð) 19.4.2009 kl. 12:46]

Þetta er nú ekki rétt hjá þér Vilhjálmur. Okkur Sjálfstæðismönnum finnst þetta ekki della. Hins vegar eru margir innan Sjálfstæðisflokksins sem eru á móti inngöngu. Líklega eru hlutföllin 60:40. Það bera að virða skoðanir þeirra sem ekki vilja inngöngu og þess vegna var samþykkt á síðasta landsfundi að þjóðin fengi á ákveða í atkvæðagreiðslu hvort sótt verði um inngöngu. Með þessu móti var komið til móts við okkur sem viljum skoða hvað ESB kynni að bjóða okkur.

Fjöldinn allur af áhrifamiklum Sjálfstæðismönnum eru fylgjandi aðild, menn í samtökum atvinnulífsins, launþegasamtökum, fólki í rekstri, liði eins og mér o.s.frv. Hins vegar er alveg ljóst að grasrótin vill ekkert með það hafa auk landbúnaðarins og fulltrúa sjávarútvegsins. Það heyrði ég mjög skýrt og þess vegna standa forystumenn flokksins með þessari ályktun eins og vera ber.

[Gunnlaugur Ingvarsson (IP-tala skráð) 19.4.2009 kl. 12:55]

Að vera ósammála ykkur sem berjist fyrir aðild Íslands að ESB snýst ekki bara um einhverja "vonda Sjálfstæðismenn" en þannig reynið þið aðildarsinnar oft að stilla hlutunum upp.

Svona SVART gegn HVÍTU.

Helst engir aðrir valkostir.

Annað hvort ertu sammála með ESB eða þú ert vondur Sjálfstæðismaður og það meira að segja úr Davíðsarminum alvonda.

Svo með fulltingi fjölmiðlanna sem meira og minna halda uppi þessum áróðri ykkar í ESB trúboðinu, þá reyniði í sífellu að mála þá mynd að þessi rétttrúnaður ykkar, þessi STÓRI SANNLEIKUR ykkar njóti mikils og yfirburða fylgis meðal þjóðarinnar.

Það séu aðeins einhverjir alvondir stjórnmálamenn úr Davíðsarmi Sjálfstæðisflokksins og jú kanski einhverjir örfáir kverúlantar úr VG sem komi í veg fyrir að þessi mikla breiðfylking þessa yfirburða meirihluta þjóðarinnar nái fram að ganga.

En svona eru hlutirnir bara alls ekki, þó stanslaust sé reynt að fela þær staðreyndir í feluliti með villandi fyrirsögnum og hlutdrægum umfjöllunum fjölmiðlanna.

Staðreyndirnar eru hinnsvegar þær að andstaðan við ESB er mjög mikil og sterk meðal þjóðarinnar og mjög víðtæk. Andstaðan við aðild er mikil meðal kjósenda allra stjórnmálaflokkanna þó auðvitað síst í Samfylkiingunni þar sem áróðurinn hefur verið rekinn líkt og öfgatrúboð

Samkvæmt öllum síðustu skoðanakönnunum er mikill meirhluti kjósenda allra stjórnmálaflokkanna andvígur ESB aðild, nema Samfylkingarinnar en þar er þó u.þ.b. 20% kjósenda flokksins andvígur aðild. Afstaða þeirra sem engan flokk styðja er líka afgerandi gegn aðild .

Í síðustu skoðanakönnun þar sem þó var aðeins spurt hvort fólk vildi að farið yrði í aðildarviðræður við ESB voru u.þ.b. 55% á móti aðildarviðræðum en u.þ.b. 45% með.

Sem þýðir að það eru meira en 20% fleiri sem ekki vilja fara í aðildarviðræður heldur en þeirra sem vilja fara í slíkar aðildarviðræður.

Alls ekki er víst að allir þeir sem hlynntir eru aðildarviðræðum myndu síðan samþykkja inngöngu í ESB þega á málið myndi reyna.   

En þið ESB- sinnar getið svo sem áfram látið eins og þið einir séuð handhafar þessa Stóra Sannleiks og ESB- rétttrúnaðar.

Hinns vegar vil ég benda ykkur aðildarsinnum góðfúslega á það að með því að keyra þetta ESB mál áfram með slíku offorsi sem þið og það gegn meirihluta þjóðarinnar, þá eruð þið ekki að vinna þjóð ykkar neitt gagn, þvert á móti þá eruð þið aðeins að sundra þjóðinni en ekki sameina en það er einmitt það sem þjóðin þarf síst á að halda nú um stundir.

[Vilhjálmur Þorsteinsson, 19.4.2009 kl. 14:04]

Þið fyrirgefið, félagar, en þolinmæði mín gagnvart 14 ára undanslætti Sjálfstæðisflokksins í þessu máli, einu stærsta og mikilvægasta hagsmunamáli þjóðarinnar, er á þrotum.

Floknum þykir aldrei tímabært að taka afstöðu, heldur er fundin upp ný aðferð til að drepa málinu á dreif á nokkurra ára fresti.  Nú síðast er það einhver óraunsæ óskhyggja um að komast inn í evruna, án aðildar, með tilstilli AGS.  Þetta rugl er ekki sæmandi stjórnmálaflokki sem ætlast til að vera tekinn alvarlega.

En eins og ég hef áður bent á, er Sjálfstæðisflokkurinn alls ekki stjórnmálaflokkur, heldur hagsmunagæslubandalag, þar sem hagsmunir Landssambands íslenskra útvegsmanna virðast hafa margfalt vægi á við aðra.

[Jón Helgi Egilsson (IP-tala skráð) 19.4.2009 kl. 14:13]

3.600 manna trúarsamtök?

Vilhjálmur,
Það sem ég skil ekki er af hverju leggur þú ekki frekar áherslu á upplýsta umræðu um kosti og galla ESB í stað þess að hvetja til þessa trúboðs - "sammala.is".  Það er afskaplega erfitt að rökræða um trú.

Í mínum huga eru bæði kostir og gallar við ESB.  Ég sé fleiri galla en kosti en það má vel vera að ég hafi rangt fyrir mér.  Ég vildi þá frekar ræða slíkt við ykkur sem teljið kostina fleiri en að menn grafi sig niður í skotgrafi í anda trúarbragða.  Málið er í mínum huga brýna en það og aðalatriðið að komast að skynsamlegri niðurstöðu. 

 um

[S i g u r ð u r S i g u r ð a r s o n, 19.4.2009 kl. 14:44]

Ekki veit ég í hvaða „hagsmunabandalagi“ ég er í innan Sjálfstæðisflokksins og þaðan af síður hverjir eru hagsmunir hundruð þeira sem ég þekki eða kannast við innan flokksins. Mér hefur alla tíð fundist þeir vera svona eins og fólk er flest, fólk sem vill einfaldlega landi og þjóð allt hið besta.

Þó ég vilji fá einhverja niðurstöðu innan flokksins um ESB sætti ég mig fyllilega við þá afstöðu sem fengin er á lýðræðislegan hátt. Menn eins og ég og Vilhjálmur Þorsteinsson verða bara að sætta sig við það.

Hver er annars þessi undansláttur? Sjálfstæðisflokkurinn hefur lengi verið á móti inngöngu í ESB. Af hverju ætti það að breytast þó fólk í öðrum flokkum mislíki það?

[Vilhjálmur Þorsteinsson, 19.4.2009 kl. 14:49]

Jón, það er rétt hjá þér að þessi bloggfærsla er ekki um kosti og galla ESB, heldur um vangetu Sjálfstæðisflokksins til að takast á við þetta mál, fyrr og nú.

Ég hef kynnt mér ESB málin vel í gegn um árin og sé að það eru verulegir kostir við aðild, en að sjálfsögðu einnig gallar.  Í mínum huga eru gallarnir ólíklegir til að vega þyngra en kostirnir, sérstaklega í stöðunni eins og hún er í dag, en úr því er ekki hægt að skera endanlega fyrr en aðildarsamningur liggur fyrir.  Að neita að fara í aðildarviðræður, án þess þá að benda á einhverja aðra raunhæfa framtíðarsýn, er fullkomlega óábyrgt.

[AK-72, 19.4.2009 kl. 15:00]

Ég verð að játa að ég er orðinn drulluþreyttur á þessari skotgrafa-umræðu sem virðist einkenna ESB-umræður. Menn skipta sér í hópa með og á móti, öskra og æða um kostirnir séu yfirgnæfandi og ekkert annað í stöðunni ef við viljum ekki verða kjarnorku-auðn eða gallarnir séu yfirgengilegir og það sé landráð að sækja um.

Ég er nefnielga einn af þeim sem er nokkuð hlutlaus og get ekki myndað mér skoðun út frá svona upphrópunum. Aftur á móti finnst mér allavega eins og staðan er í dag, þá verða ESB-andstæðingar að kyngja aðeins þjóðernishyggjunni nú þegar við erum nær því gjaldþrota þjóð með ónýtan gjaldmiðil, og athuga möguleikann. Það verður einfaldlega að fara í aðildarviðræður og SJÁ SAMNINGINN til að geta dæmt hvort þetta sé gott eða slæmt. Ef hann er slæmur, þá kýs þjóðin nei, ef hann er góður þá kýs þjóðin já. 

Þetta er bara svona einfalt, því á meðan við rífumst og röflum um hvað sé hugsanlegt að við gætum fengið út úr samningnum, þá er þetta bara huglægt mat hvers og eins um hvað bíður handan hornsins, en ekki í hendi fyrir framan okkur. Framkvæmum en eyðum ekki tímanum lengur í eitthvað blaður, annars gerist ekki neitt á meðan þessari þjóð blæðir út.

Og áður en ESB-andstæðingar byrja að saka mig um landráð og byrja hræðslu-ároðurinn(og hóta kannski afhausun eins og einn sem fer mikið), þá skulum við hafa það á hreinu: ég mun kjósa nei ef mér líst illa á samninginn sem kemur út úr viðræðum EN ÉG VILL LESA ÞANN SAMNING SEM ÍSLAND FENGI EN EKKI EINHVERJAR VANGAVELTUR UM HUGSANLEGAN SAMNING, TIL AÐ GETA TEKIÐ AFSTÖÐU!

[Vilhjálmur Þorsteinsson, 19.4.2009 kl. 15:00]

Ég var í panel á Viðskiptaþingi um daginn og talaði þar við fjölmarga Sjálfstæðismenn sem voru með böggum hildar yfir þessum ESB málum, þ.e. hvernig flokkurinn hefur haldið á þeim.  Af þeim sem töluðu á þinginu voru allir meðmæltir aðildarviðræðum, þar á meðal forvígismenn Marel, Eyris, Össurar, CCP, Auðar Capital, og forystumenn í ferðaþjónustu.  Hvernig skapast þessi gjá á milli "flokks einkaframtaksins" og fyrirtækjanna sem eftir eru í landinu (utan útgerðarinnar að sjálfsögðu)?  Telur flokkurinn að atvinnulífinu sé stjórnað af kjánum sem viti ekki hvað þarf að gerast til að ná okkur út úr kreppunni?

Ég held að Sjálfstæðisflokkurinn sé í gíslingu fólks sem er ekki lengur í tengslum við meginstraumana í atvinnulífinu, heldur er innmúrað í einhvern afneitunar- og óraunsæiskastala sem gætt er af LÍÚ og afturgöngu Davíðs Oddssonar.

[Jón Helgi Egilsson (IP-tala skráð) 19.4.2009 kl. 15:05]

Hvernig verður framtíðarsýn fyrir Ísland skýrari við ESB aðild eina saman?  Þurfum við ekki áfram eins og hingað til að treysta á okkur sjálf?  Er ekki óábyrgt að reyna að telja fólki trú um að ESB sé frelsari Íslands?  Eru menn ekki að rugla saman óskinni um stöðugan gjaldmiðil og lága vexti við ESB? Spyr sá sem ekki veit.

[Hjálmar Gíslason (IP-tala skráð) 19.4.2009 kl. 15:06]

Villi,

Þar sem þessi færsla þín er - eins og þú segir - einmitt ekki um kosti og galla Evrópusambandsumsóknar og svo -aðildar, þá ætla ég hér með að biðja þig um þá bloggfærslu. Þér tekst yfirleitt betur en flestum að koma málum skýrt frá þér.

Eins og þú veist er ég efasemdamaður í þessum málum (að hluta til rakið í þessari færslu og athugasemdum við hana), þannig að það væri sérstaklega áhugavert fyrir mig ef þú myndir taka á mínum helstu efasemdum. Ég veit að ég er ekki einn um það að þurfa vandaða röksemdafærslu í stað þeirrar umræðu sem boðið er upp á almennt í þessu máli, þannig að þetta gæti hjálpað mörgum fyrir komandi kosningar.

[anna (IP-tala skráð) 19.4.2009 kl. 15:09]

Siðast þegar ég vissi vorum við Íslendingar komnir vel yfir 300.000 þannig að 3.600 er nú ekki mikið. ER ÞAÐ?? LOL finnst skrýtið miðað við hve mikill fjöldi á að vilja fara í ESB að aðeins séu 3600 á þessum svo ágæta lista.

[AK-72, 19.4.2009 kl. 15:15]

Anna, þú verður að miða við fjölda kjósenda, sem eru ca. 220 þúsund ef mig minnir rétt, ekki heildartölu Íslendinga.

Ég er hlynntur aðildarviðræðum en get ekki tekið undir hin atriðin á listanum á sammala.is, einfaldlega vegna þess að ég hef ekki samning í höndunum til að vega og meta sjálfur. Til þess að fá þann samning þarf aðildarviðræður, það er ekkert flóknara en það.

Ég hugsa því að þó margir séu sammála því að fara í aðildarviðræður, þá séu þeir ekki tilbúnir til þess að kvitta undir að ganga í ESB fyrr en samningur sé sjáanlegur og hægt að meta út frá forsendum. Þess vegna kvittaði ég ekki undir á sammala.is og að öllum líkindum hafa einhverjir ekki kvittað undir, þar sem yfirlýsingn þar gerir mann sjálfkrafa samþykkan aðild.

[Vilhjálmur Þorsteinsson, 19.4.2009 kl. 15:34]

Jón Helgi: ESB aðild innifelur lausn á gjaldeyris- og peningamálum þjóðarinnar.  Umsókn mun strax styðja við krónuna og auðvelda afléttingu gjaldeyrishamla, þar sem framsýnn markaður verðleggur umbreytingu krónu yfir í evru.  Þá eykst almenn tiltrú erlendra lánardrottna og fjárfesta á að okkur sé alvara og að við ætlum að tilheyra hópi Evrópuríkja á jafnréttisgrundvelli, en gera okkur ekki að risastóru Árbæjarsafni með sérviskulegum hagfræðitilraunum byggðum á "Við borgum ekki!" stefnunni.

AK-72, ef þú lest alla yfirlýsinguna á www.sammala.is þá er þar þessi málsgrein:

Við erum sammála um að aðildarsamning á að bera undir þjóðina til samþykktar eða synjunar í þjóðaratkvæðagreiðslu.  Þá munum við, eins og aðrir Íslendingar, gera endanlega upp hug okkar um hvort við erum enn sömu skoðunar og fyrr og greiða atkvæði í samræmi við það.

[AK-72, 19.4.2009 kl. 15:58]

Vilhjálmur, það er þessi setning sem flækist fyrir mér að skrifa undir þarna:

"Við erum sammála um að hagsmunum íslensku þjóðarinnar verði best borgið innan ESB og með upptöku evru."

Ég get ekki kvittað upp á þetta nema að hafa samninginn í höndunum eins og ég hef sagt því ég er ekki sannfærður um það út af þessari upprhópana, og jafnvel trúarbragðalegu skotgröfum um málið. Ef þetta væri yfirlýsing um að farið skyldi í aðildarviðræður eingöngu til að fá samning sem bæera ætti undir þjoðina, þá myndi ég kvitta hiklaust upp á það enda fengi ég þá forsendur til að dæma um hvort hagsmunum okkar væri þar best varið.

Eitt enn, að fara í þjóðaratkvæðagreiðslu um hvort það eigi að ganga til samninga er hreint rugl og óþarfa kostnaður sem betur væri varið í stjórnlagaþing.

[Jón Helgi Egilsson (IP-tala skráð) 19.4.2009 kl. 16:24]

Eru Eystrasaltsríkin ekki einmitt í vandræðum núna þar sem þau voru svo "framsýn".  Sáu fram á evrú, skuldsettu sig í evru og síðan hrundu þeirra gjaldmiðlar - hvar eru þau núna?  ESB aðild þýðir að upptaka evru er ekki raunhæf fyrr en eftir 5 til 8 ár.  Er það lausn á bráðavanda?  Bráðavanda þarf að leysa núna - ekki eftir 5 til 8 ár.  Við gætum þess vegna haft vísi að einni heimsmynt á þeim tíma.  Hvernig væri nú að horfast í augu við þá staðreynd og að við verðum með krónu hér eitthvað áfram og vinna út frá því.  Getur ekki verið að það að boða ESB sem "trú" sbr. "sammala.is" sé til þess fallið að menn horfast ekki í augu við brýnu verkefnin framundan.  Það sé frestun á að takast á við raunveruleg vandamál?  Við þurfum að reisa þetta þjóðfélag við á þeim grunni sem er til staðar - lækka hér vexti í 3-5%, semja við jöklabréfaeigendur, standa við okkar skuldbindingar en láta vera að greiða það sem við eigum ekki að greiða (þó svo að ESB sinnar vilji annað).  Ég bara skil ekki hvernig það að sækja um aðild leysir eitt né neitt - síst gjaldmiðlamálið.

[Jón Helgi Egilsson (IP-tala skráð) 19.4.2009 kl. 16:36]

P.s.  Til að árétta að þá tel ég ekki ESB aðild leysi bráðavanda í gjaldeyrismálum.  Það hvað er skynsamlegt til lengri tíma þarf meiri yfirlegu að mínu mati.

[AK-72, 19.4.2009 kl. 16:38]

Jón, eins og ég sé þetta, þá er það mjög einfalt mál með aðildarviðræður. Það sýnir umheiminum að við séum búin að ákveða að gera eitthvað í málunum í stað þess að blaðra. Það þýðir að það opnast aftur leiðir til að fá lán, og myndun trausts á nýjan leik, nokkuð sem við sárþörfnust. Frá því í október, þá er í raun allt búið að vera í einhvejrum "status quo" blaðurs og skotgrafahernaðar og ekkert áorkast, ekkert gerst. Lánið frá AGS er t.d. í uppnámi vegna þess að við höfum ekki neina stefnu út af öllu þessu rifrildi um huglægt mat hvort við myndum fá góðan samning eða slæman, hvort það eigi að taka upp einn eða annan gjaldmiðil, eihliða eða með samráði. Og hvað áorkast með þessum vangaveltum sí ofan í æ? Hreinlega ekkert.

Við verðum að hætta þessu kjaftæði og fara að gera eitthvað. 

[Vilhjálmur Þorsteinsson, 19.4.2009 kl. 16:58]

Jón Helgi, ég tel mig einmitt rökstyðja að umsókn um ESB-aðild myndi strax hjálpa til við lausn á bráðavanda.  Ég þekki það vel úr mínum viðskiptum að markaðurinn myndi verðleggja þann "valrétt" sem kæmi strax inn í myndina, að krónurnar yrðu að evrum eftir 4-5 ár.  Það setur ákveðið gólf undir krónuna, strax.  Einnig yrðu íslensk ríkisskuldabréf strax verðmætari pappírar, sérstaklega þau sem eru í erlendri mynt.  Ef við lítum út fyrir að ætla að berjast með vindinn í fangið í óraunsærri fastheldni á krónuna, sem er löngu sokkin, er lítil von til þess að skuldatryggingarálög lækki eða að fjárfestar sjái landið sem þokkalega öruggan kost.

Samanburður við Eystrasaltslöndin segir meira um hliðstæður þeirra við Ísland heldur en galla þess að stefna á ESB.  Þau væru betur stödd ef þau væru komin inn í evruna, en því miður náðist það ekki.

[Hólmfríður Bjarnadóttir, 19.4.2009 kl. 17:15]

Nú eru 4.500 manns búnir að skrifa undir þessa áskorun sem er frábært.

Auðvitað er ég búin að skrifa mig og mér finnst það beinlínis skylda mín gagnvart þjóðinni eins og það var fyrr í vetur skylda mín að skrifa undir áskorun á www.nyttlydveldi.is  um að efnt skuli til stjórnlagaþings um endurskoðun stjórnarskrár okkar íslendinga.

[Jón Helgi Egilsson (IP-tala skráð) 19.4.2009 kl. 17:15]

Þessi valréttur sem þú nefnir hann getur hæglega virkað í hina áttina - nákvæmlega eins og gerðist í Eystrasaltsríkjunum.  Þá veikjist krónan en styrkist ekki.  Í raun ertu þá kominn með tvöfalt gjaldmiðlakerfi og þá fyrst myndi ég halda að krónan veikist.  Á Kúbu ertu með tvöfalt kerfi og loka gjalmiðilinn verðlaus.  Hvar hefur það gerst að lokal gjalmiðill styrkist við það að tekin er ákvörðun um að honum verður hent eftir fá ár?

[Jón Helgi Egilsson (IP-tala skráð) 19.4.2009 kl. 17:18]

P.s. Það þarf síðan ekki að fjölyrða um það hvað verður um skuldir heimila og fyrirtækja ef slíkt tvöfalt kerfi kæmist á.

[Jón Helgi Egilsson (IP-tala skráð) 19.4.2009 kl. 17:28]

AK-47
Sammála.  Við þurfum að gera eitthvað - en það liggur á að taka á bráðavanda.  Varðandi peningamál þá legg ég til að við tökum upp sama kerfi og í USA.  Peningamálastefnan er skynsamur seðlabankastjóri.  Punktur.  Hendum þessari handónýtu hávaxtastefnu og þeim sem komu henni á og framfylgdu.  Hún er ástæða gjaldeyrishafta.  Skiptum m.ö.o. út aðalhagfræðingum seðlabankans í stað þess að skipta út krónunni.  Síðan þarf að lækka vexti í 3 til 5% og við það leitar fjármagn út í fjárfestingu í atvinnustarfsemi, það skapar atvinnu, vinnur gegn atvinnuleysi, lækkar kostnað ríkisins sökum þar sem minna þarf að greiða í atvinnuleysisbætur, tekjur ríkisins aukast þar sem umsvif og skatttekjur skila sér betur.  Síðan þurfum við að standa við skuldbindingar okkar en láta vera að taka á okkur skuldbindingar sem við eigum ekki að taka á okkur s.s. Icesave.  Þetta er ágæt byrjun sem lausn á bráðavanda en ESB er ekki lausn á bráðavanda.

[Vilhjálmur Þorsteinsson, 19.4.2009 kl. 17:42]

Jón Helgi, það stendur ekki til að "henda" gjaldmiðlinum heldur skipta honum út fyrir evru með atbeina Seðlabanka Evrópu.  Á þessu tvennu er að sjálfsögðu grundvallarmunur sem ég ætti ekki að þurfa að útskýra.

Samanburður við Kúbu á einmitt vel við Ísland í núverandi stöðu með krónu en enga framtíðarsýn í gjaldeyrismálum.  Þá myndum við sjálfsagt fara í sama far og Kúbverjar, þ.e. að það yrði til tvöfalt kerfi með evru og svo verðlausri krónu sem yrði aðallega notuð í viðskiptum við ríkið en ekki mikið meira.

[Jón Helgi Egilsson (IP-tala skráð) 19.4.2009 kl. 17:42]

Vilhjálmur,
Yrðu íslensk ríkisskuldabréf strax verðmætari pappír?  Það fer nú eftir því hvort að fjárfestar telja að þessi aðgerð sé hagkerfinu til góða eða ekki.  Það er alls ekki ljóst.  Með upptöku evru er búið að taka út eina helstu breytuna til að bregaðst við áföllum.  Verða ekki áföll á Íslandi við það eitt að ganga í ESB?  Það þætti mér merkilegt.  Síðan þegar það verða áföll og möguleikar okkar að bregðast við eru minni og afleiðingarnar þar með meiri - eiga þá fjárfestar að verðlauna slíkt með því að lækka vexti.  Gengur þetta örugglega upp hjá þér Vilhjálmur?

Málið er Vilhjálmur að ef þú lest það sem þú skrifar þá nálgast þetta trúarbrögð.  Í trúmálum eru gjarnan settar fram fullyrðingar eins og um sannleik sé að ræða. Þetta er vandinn við að ræða ESB málin við þá sem eru blindir af trúnni.  Ég átta mig á að það eru kostir en það eru líka gallar.  Förum yfir þetta án þess að blanda trúarofstæki í þetta.  Það er ekkert sem þú hefur sagt sem sannfærir mig um að þetta sé lausn á bráðavanda.

[Jón Baldur Lorange, 19.4.2009 kl. 17:44]

Þið jafnaðarmennirnir Vilhjálmur sómið ykkur illa í hópi með nýfrjálshyggju- og einkavæðingarmönnunum (Benedikt Jóhannessyni og Vilhjálmi Egilssyni) og útrásarvíkingunum, sem áttu (og eiga) helstu fjölmiðlana og smásöluverslunina. Nú vilja nýfrjálshyggjumennirnir koma okkur inn í ESB með dyggri aðstoð Samfylkingarinnar. Þetta kann að hljóma harkalega en færa má sterk rök fyrir þessu sbr. vefsíðu mína. Ég geri mér hins vegar grein fyrir því að markmiðin með aðild að ESB eru ekki þau sömu hjá nýfrjálshyggjumönnum og ykkur jafnaðarmönnum.

[Vilhjálmur Þorsteinsson, 19.4.2009 kl. 18:04]

Jón Helgi, ég tel mig hafa verið hér í ágætis rökræðu og sé ekki "trúarbrögðin" í henni.  Varðandi ríkisskuldabréfin í erlendri mynt, þá er tvöföld áhætta á þeim í dag, þ.e. skuldaraáhætta á ríkið og svo gjaldmiðlaáhætta á krónuna (þ.e. að ríkið muni ekki geta aflað evra á markaði, með skatttekjum í krónu, til að greiða bréfin).  Við stefnu á evru þá minnkar gjaldmiðlaáhættan verulega, því fjárfestar geta gert ráð fyrir að skatttekjur ríkisins verði í framtíðinni í evru.

Viðbrögð við áföllum verða með öðrum hætti, þ.e. í innlendu atvinnu- og launastigi frekar en beint í gengi gjaldmiðilsins.  Á móti kemur að á Íslandi kemur gengi krónunnar hvort sem er fram í kaupmætti fólks að sirka 60%, sem hefur áhrif á lífskjör og atvinnnu, og svo erum við að borga vaxta- og verðbólguálag á lán alla daga sem mun hverfa.

Jón Baldur, þetta sem þú nefnir heitir "guilt by association" í rökfræðum og þykir ekki merkileg taktík.  Ég hef sem Alþýðuflokks- og Samfylkingarmaður talað fyrir aðildarumsókn að ESB í 14 ár, óháð meintum útrásarvíkingum (eru CCP, Marel og Össur ekki líka útrásarvíkingar?) og nýfrjálshyggjumönnum (?!).  Þeir nýfrjálshyggjumenn sem ég þekki eru reyndar stækir ESB andstæðingar.

[Egill M. Friðriksson, 19.4.2009 kl. 18:10]

Gunnlaugur: Ekki veit ég hvaða könnun þú ert að vísa í. Sú síðasta sem ég finn sýnir mikinn meirihlutastuðning við aðildarviðræður, eða 64%. Heimildina má finna hér: http://www.mbl.is/mm/frettir/esb/2009/03/08/flestir_vilja_adildarvidraedur/

[Hólmfríður Bjarnadóttir, 19.4.2009 kl. 18:12]

Jón Baldur, við jafnaðarmenn sómum okkur alls staðar vel. Ég geng glöð og keik í lið með öllum þeim sem virkilega vilja skoða ALLA kosti fyrir okkur Íslendinga. Umsókn um aðild að ESB er leið sem við VERÐUM að skoða og mér er slétt sama hvort skynsamt fólk er með þessa skoðun eða hina í öðrum málum. Ef það er sammála mér um að sækja um aðild að ESB og skoða það mál í kjölinn, þá er ég með því í liði. Þetta er nefnilega framtíð okkar allra.

[AK-72, 19.4.2009 kl. 18:19]

Jón Helgi: Aðildarviðræður eru vissulega langtímalausn og já, við þurfum skammtímalausnir, en það þýðir ekki að það sé hægt að velja annað hvort. Bæði er framkvæmanlegt og við verðum að hætta að að horfa aðeins 2-3 ár fram i tímann eða eitt kjörtímabil því þannig hefur það verið síðustu 18 árin. Skammtímalausnir verða því aldrei nema plástur á sárið sem helst opið þar til saumað er saman á skurðborði langtímamarkmiða.

[Ómar Bjarki Kristjánsson, 19.4.2009 kl. 18:19]

Jú, afstaða sjálfst.fl.  til esb er alveg sérstakt rannsóknarefni.  Lengi vel afgreiddu þeir málið með orðum Foringjans eitthvað á þá leið að, egin leið væri að fá undanþágu frá sameiginlegri sjávarútvegsstefnu esb.  Engin leið og er hann mælti setninguna horfði hann hróðugur framan í sjónvarpsvélar og býsna ánægður með sig.

Nú, menn vissu svo sem ekkert hvað í orðunum nákvæmlega fólst og enginn hafði svo sem áhuga á því.  Þeir vissu bara innra með sér að um eitthvað ægilega vont og óskaplegt væri að ræða og jafnframt vissu þeir að Foringinn hafði talað.

Núna er umræða á þessu stigi löngu liðin hjá þjóðinni (sem betur fer) og fólk margt veit meira um málefnið.  Veit td. að sameiginleg sjávarútvegsstefna esb er eiginlega hið besta mál.  Hún er ekkert hinn mikli Satan.

Hvað gerist hjá Sj.st.fl. ? Það verður engin þróun.  Alls engin þróun.  Það sem í rauninni virðist vera að gerast að þeir eru að spóla í sama farinu og gamli Foringinn lagði og hafa spólað sig niðrá drullupytt og eru pikkfastir þar og liggja þar nánast á grindinni og hjólin spóla í lausu lofti.

Sem dæmi nánast brá manni að sjá Illuga Gunn. í TV inu í gær.  Einhliða upptaka Evru með aðstoð IMF.  Nú svo bætti hann um betur og sagði að íslendingar vildu halda yfirráðum yfir auðlindum sínum.  Þar með var hann að gefa í skyn að Ísland missti yfirráðin yfir auðlindum með aðild að ESB.  Það er bara ótrúlegt að fylgjast með Sj.st.flokki núna.  Ótrúlegt.  Og - já, bendir til að LíÚ hafi afar sterk tök enda málflutningurinn nánast sá sami. 

Hér er gott lesefni um ESB og var tími til kominn að einhver tæki saman.

http://www.samfylkingin.is/Framt%C3%AD%C3%B0in/Um_ESB/#RettOgRangtUmESB

[Jón Helgi Egilsson (IP-tala skráð) 19.4.2009 kl. 18:28]

Vilhjálmur,
Ég held þú vitir betur hvað gjaldeyrisáhættuna varðar.  Það minnkar ekki áhættuna að taka stjórntækin í burtu.  Það gerir landið viðkæmara fyrir áföllum og áhættumeira að fjárfesta í.

AK-72,
Aftur sammála.  En spurning um að forgangsraða.  Heill flokkur sem reynir að telja þjóðinni trú um að það eina sem þarf er aðild að ESB og þá muni allt lagast er ekki að horfast í augu við veruleikann og á að mínu viti ekki fá neitt atkvæði í kosningum.  En endilega skoða kosti og galla ESB aðildar. 

[Jón Helgi Egilsson (IP-tala skráð) 19.4.2009 kl. 18:35]

Vilhjálmur,
Með trúarbrögðum á ég fyrst og fremst við að reyna að skipta fólki í fylkingar.  Ég held að það hjálpi ekki.  En mikið rétt - líkt og áður þá áttu heiður skilinn fyrir yfirhöfuð málefnalega nálgun þó svo að við séum ekki alltaf sammála.

[Vilhjálmur Þorsteinsson, 19.4.2009 kl. 18:49]

Jón: Jamm, við erum greinilega á öndverðum meiði varðandi mat á áhættu.  Ég tel hana mun meiri í núverandi stöðu með krónu, heldur en í ESB, þótt stjórntæki gengis verði ekki lengur fyrir hendi.  Svo verður fólk auðvitað að ákveða sjálft hvernig það metur þetta.

[Jón Baldur Lorange, 19.4.2009 kl. 20:04]

Vilhjálmur og Hólmfríður: Það sem ég vildi bara vekja athygli ykkar á voru förunautar ykkar á vegferð ykkar með Ísland inn í ESB. Vekur það alla vega ykkur ekki til umhugsunar? Minnir svolítið á föruneyti í Hringsins í sögunni góðu og í þessu samhengi er hringurinn auðlindir þjóðarinnar. Ábyrgð ykkar ESB sinna er því mikil og ástæða til að óttast forræðið yfir ,,hringnum" þegar föruneytið er skoðað og hvert ferðinni er heitið.

[Hrannar Baldursson, 19.4.2009 kl. 20:55]

Mér líst afar vel á þetta framtak. 5080 komnir á skrá.

[Gunnar (IP-tala skráð) 19.4.2009 kl. 21:01]

Ég hef kosið Sjálfstæðisflokkinn í áraraðir. Alltaf mætt. Alltaf kosið. Gegn vinstri stjórnum, gegn skattahækkunum, gegn ofurvaldi stjórnmálanna.

En nú er komið nóg.Kosningarnar nú eru mér erfið ákvörðun. Ég hef í fyrsta skipti velta fyrir að kjósa Samfylkinguna. Ísland á að hefja aðildarviðræður við Evrópusambandinu. Það er komið nóg af þjóðernisrembingi og sérhagsmunabrölti samtaka landbúnaðar og útgerðarmanna. Það að Sjálfstæðisflokkurinn opni ekki einu sinni á aðildarviðræður sýnir í mínum huga að flokkurinn er getulaus. Hann þarf frí. Kemur síðan sterkari og opnari inn síðar - eða upp kemur annar borgaralegur flokkur víðsýnni og alþjóðasinnaðri en Sjálfstæðisflokkurinn.

Ísland þarf skýrari stefnumörkun og framtíðarsýn.

Ísland á samleið með Evrópuþjóðunum.G.

[ThoR-E, 19.4.2009 kl. 21:51]

Afhverju er verið að eyða tíma í að ræða inngöngu Íslands í ESB. Við erum órafjarri því að uppfylla þau skilyrði sem þarf til inngöngu í sambandið. Við uppfyllum 1 ef ég man rétt af 7 skilyrðum. Við erum ekkert á leið í ESB við þessar aðstæður.

Til hvers er verði að ræða þetta??

Eru ekki önnur mál sem eru meira áríðandi? Til dæmis að takast á við 18.000 manna atvinnuleysi? Hrun efnahagsins hér á landi? Verðtrygging sem er að gera heimilin í landinu gjaldþrota.

Bara nokkur dæmi?

Hvernig væri að einbeita okkur að þeim vandamálum sem virkilega skipta máli og hætta þessu helv$%# ESB tauti og röfli ?

Bara hugmynd.

[Svanhildur (IP-tala skráð) 19.4.2009 kl. 23:08]

Farið í bíó og sjáið "Draumalandið"   Horfið á ´"Silfrið"  í dag.  Nú eru eigin  svik og lygar að herðast um háls þessara hörmulegu Sjalla og Frammara.  "We had to brake and bend every rule to get here"  Sagði Geir í myndinni 

Upp komast svik um síðir.

Undisrskriftirnar nálgast 5200 núna kl. 23.00

[Jón Valur Jensson, 20.4.2009 kl. 00:01]

Það væri fróðlegt að vita, hvað evrókratarnir á þessari síðu og í Samfylkingunni líta á sem nauðsynleg skilyrði fyrir innlimun í þetta Evrópubandalag.

Eini staðurinn á síðunni, þar sem orðið skilmálar eða skilyrði koma fyrir, er hjá honum AceR hér á undan mér, kl. 21:51, en þar er hann raunar að ræða skilyrði Evrópubandalagsins fyrir inngöngu í sambandið.

Hvað hefur Samfylkingin að fela? Af hverju lætur hún Framsókn vera eina um að setja skýrt fram mótuð skilyrði, skilmála og samningsmarkmið, ef út í þetta væri farið? Af hverju tekur hún beina stefnu, beint strik á EBé, án þess að fræða nokkurn einasta kjósanda sinn um það, hvað hún ætli að hafa í farteskinu sem skilyrði fyrir inngöngu af okkar hálfu? Er það kannski svo, að hún hafi enga skilmála, sé til í að fórna hverju sem er, framselja ríkisvald, fullveldisréttindi og yfirráð yfir sjávarauðlindunum til að komast inn í þetta Risa- og hrörnunarbandalag Evrópu?

Það er ekki að undra, að ég spyrji, því að það hefur Samfylkingarmaðurinn Stefán Jóhann Stefánsson einnig gert í frábærri Morgunblaðsgrein 23. des. sl., þar sem hann innti flokksforystu sína eftir því, hvort hún ætli ekki að standa við þá ætlun sína að koma sér niður á það, hvaða skilyrði hún yrði að setja fyrir inngöngu lýðveldisins Íslands í þetta bandalag. En engin fekk han svörin, þótt þarna sé um að ræða valdfrekt bandalag sem stefnir að því að verða 'Grossmacht' skv. orðum Jacques Delors. Ég er nánast handviss um, að SF ætlar EKKI að upplýsa neitt um þetta fyrir kosningarnar, en þannig er hún að snuða kjósendur um nauðsynlegar upplýsingar um það, sem hún ætlar sér, og meira að segja um það, sem hún hafði lofað að upplýsa um. Og það veit ekki á gott.

En aftur að þessari undirskriftasöfnun sammála fólksins. Vitaskuld er 3.600 sáralítill fjöldi. Til framboðs flokkanna hafa á bilinu 1.890–2.520 manns þurft að vera meðmælendur hvers lista, sem býður fram á landsvísu, og nýir flokkar verið að bisa við að safna þessu saman, og það gerist NB ekki á netinu, heldur þarf að ganga á milli manna með undirskriftalista og fá þar nákvæmar upplýsingar með kennitölu. Þetta tekur ærinn tíma. Hitt verkið er létt og löðurmannlegt að smala mönnum í að skrá nöfn sín á netsíðu, og samt gengur það ekki betur en raun ber vitni. Svo er Þorsteinn Pálsson með stærilæti yfir þessu í stórum dagblaðaauglýsingum í dag! Hvílík sjálfumgleði EBé-manna!

[Einar Björn Bjarnason, 20.4.2009 kl. 00:07]

Ég nenni ekki að rífast um, hvort aðild er góð eða slæm hugmynd. Einungis ein ábending, þ.s. augljóst er að miðað við þróun skoðanakannana, í gegnum árin, um stuðning/andstöðu við aðild, þá er ekki hægt að slá því föstu að aðildarsamningur verði samþykktur af þjóðinni.

Punktur þessi, kemur sem svar mitt við ábendingum þeirra, sem telja að umsóknin ein, muni hafa umtalsverð áhrif, með þeim hætti að trú muni eflast á Íslandi, að von muni gleðjast í hjörtum, krónan jafnvel styrkjast, o.s.frv. Það sem ég bendi á, er að trúverðugleiki stefnunnar, byggð á líkum þess að stefnan muni skila sér á væntan enda punk, þ.e. aðild, hlítur að spila inn í, það dæmi.

Þar sem, augljóst er, að umtalsverð óvissa, er um að þjóðin muni samþykkja slíkann samning, sem sannarlega getur verið að hún geri, en óvissan þar um er samt sem áður augljós, þá hlýtur einnig trúverðugleiki þeirrar stefnumörkunar, einnig að vera fremur óljós í augum þeirra útlendinga, sem skv. kenninguni eiga að fyllast auknu áliti á Íslandi, í kjölfar þess að aðildarumsóknin hefur verið send inn.

Mín ályktun, er - að svo muni líklega ekki vera. Með öðrum orðum, að í ljósi óvissunnar, um endanlega lyktir málsins, hljóti þeira að bíða og sjá, með breytingar á afstöðu gagnvart Íslandi, krónunni, hagkerfinu okkar, og öllu heila klabbinu, þar til niðurstaða þjóðaratkvæðagreiðslu liggur fyrir.

Með öðrum orðum, að aðildarumsóknin ein, muni ekki hafa nein veruleg áhrif á íslensk efnahagsmál, þvert ofan á það sem haldið er fram í dag, af mörgum nafntoguðum einstaklingum hérlendis.

Ég bendi á, að ég er ekki að lísa yfir stuðningi hér, við þá skoðun, að aðild sé hið eina sem við getum gert, úr því sem komið er, né er ég heldur að lísa því yfir, að aðild komi ekki til greina.

Vinsamlegar kveðjur, Einar Björn Bjarnason, stjórnmálafræðingur, Evrópufræðingur og Frambjóðandi.

[Frosti Sigurjónsson, 20.4.2009 kl. 02:18]

Sama hvort menn vilja ganga í ESB eða ekki.  Þetta er málefni sem er eingöngu fallið til þess að kljúfa þjóðina í tvær fylkingar. 

Hvernig getur það verið lausn á vandanum að knýja þjóðina til að takast á um þetta mál núna?

[Einar Björn Bjarnason, 20.4.2009 kl. 02:24]

Tja, í ljósi þess, að AGS reiknar með 35-50 milljarða halla á næsta ári, og að hallinn á þessu stefnir þegar í um 170 milljarða, getur verið að deilur um ESB aðild, geti verið í augum ríkisstjórnarinnar, ef til vill, ágætis 'diversion' - ef út í það er farið.

Sjá mína nýjustu bloggfærslu.

Kv., Einar Björn Bjarnason

[Jón Valur Jensson, 20.4.2009 kl. 02:30]

Ja, þetta er kannski risasmjörklípa af pólitíkusa hálfu.

En EBé-innlimun er EKKI aðferð til að borga skuldir okkar. Þar dugar fyrst og fremst vinna og aftur vinna og framleiðsla.

[Guðmundur St Ragnarsson, 20.4.2009 kl. 03:03]

Af hverju er verið að rífast um þetta núna? Það þarf að breyta stjórnarskránni til þess að aðild verði samþykkt. Það er ekki hægt nema rjúfa þing og kjósa upp á nýtt. Sjáið þið það vera að gerast fljótlega eftir þessar kosningar. Þessar kosningar n.k. helgi snúast bara alls ekki um ESB. So... save it!

[Gunnlaugur Ingvarsson (IP-tala skráð) 20.4.2009 kl. 06:37]

Svar til Egils M. Friðrikssonar um skoðanakannanir:

Þú spyrð hér að ofan hvar og hvenær eiginlega þessi skoðanakönnun hafi verið gerð sem ég vísa til hér að ofan sýnir að afgerandi meirihluti þjóðarinnar hafnar því að gengið sé til aðildarviðræðna við ESB.

Eflaust er það svo í þínum huga eins og margra annarra ESB aðildarsinna að þið teljið ykkur ævinlega til hins breiða og mikla meirhluta þjóðarinnar, sem vilji í einum samofnum þjóðarvilja ganga fylkjandi inn í náðarfaðm dýrðaríkis ESB.

Það er kanski von að svo sé með ykkur því megnið af fjölmiðlunum og fréttaskýrendunum talar ávallt þannig líka.

Allar fregnir þar sem fram koma miklir ágallar við ESB aðild eða að mikil andstaða sé við aðild meðal þjóðarinnar eða einhverra hópa hennar eru ævinlega settar í örsmáar undirmáls fréttir í felulitum og oft með villandi umfjöllun.

Fréttir sem hugnast ESB sinnum er hinns vegar slegið upp á forsíðum og oft með villandi fyrirsögnum til þess að gera enn meira úr dýrðinni og yfirburðum ESB. 

Þessi  einsleita fréttamötun á ESB rétttrúnaðinum er því miður sláandi og gegnum gangandi hjá nánast öllum fjölmiðlum á Íslandi í dag.

En skoðanakönnunin sem ég vitna í var gerð þann 7. apríl fyrir Stöð 2 og Fréttablaðið.

Andvígir aðildarviðræðum við ESB eru: 54,4%

Hlynntir aðildarviðræðum við ESB eru: 45,6%

Fram kemur að úrtak könnunarinnar var 800 manns og að andstæðingum aðildarumsóknar hafi fjölgað lítilega frá því í febrúar er þessir aðilar gerðu samskonar könnun. 

Þú getur skoðað þetta í fréttum Eyjunar frá 11. apríl s.l. en hún er líka endurbyrt á heimsaíðu Heimssýnar (www.heimssyn.is)  Ég reyndi að finna þetta hjá Fréttablaðinu og visi.is frá þessum dögum en fann það ekki í fljótu bragði, en það skýrist sjálfsagt að framansögðum felufréttastíl þessara fjölmiðla.

Að lokum vil ég svo taka heils hugar undir það sem Frosti Sigurjónsson segir hér að ofan.

Hvernig geta ESB sinnar sagt að það sé brýnasta hagsmunamál þjóðarinnar að sækja um ESB aðild sem jafnframt myndi þá splundra þjóðinni kljúfa hana í herðar niður.

Ég tala nú ekki um þegar staðreyndirnar eru þær að ESB- sinnar eru augljóslega minnihlutahópur á Íslandi.

Ég held að slík sundrung og afleiðingar hennar séu það sem þjóðin þarf einna síst á að halda nú um þessar mundir.

[Vilhjálmur Þorsteinsson, 20.4.2009 kl. 09:54]

Þessi taktík, að finna alltaf nýjar ástæður fyrir því að ESB-aðildarumsókn sé ekki tímabær akkúrat núna, er búin að vera í gangi meira og minna í 14 ár.  Með skelfilegum afleiðingum, að mínu mati.

ESB-aðildarumsókn hefur verið þörf, en nú er nauðsyn.  Og aðstæður núna eru þannig að það væri okkur hagstætt að hefja ferlið meðan Olli Rehn er stækkunarstjóri og Svíar verða í forystu sambandsins frá 1. júlí.  Þannig að það er eftir akkúrat engu að bíða, og aðildarumsókn skilar ávinningi strax í stöðugri krónu, betri viðskiptakjörum, lækkuðu áhættuálagi á ríkisskuldabréf, og aukinni tiltrú fjárfesta.

[Gunnlaugur Ingvarsson (IP-tala skráð) 20.4.2009 kl. 11:27]

Olli Rehn yfirkómmízar er okkur svo góður og hliðhollur segirðu og nú eigum við því að sæta lagi á meðan við höfum svo vilhollan embættismann að störfum í innstu koppum völundarhúss skrifræðishyggjunnar í Brussel.

En hvað þegar við værum svo hugsanlega komin þarna inn og æðsti kómmízar þessa eða hinns málaflokksins sem varðar helstu hagsmuni okkar væri spilltur og mútuþægur drulluhali sem ekki skilur eða vildi alls ekki skilja okkar hagsmuni, eða beinlínis ynni gegn okkur.

Hvað á þá að gera ?

Senda kanski bænaskjal til Æðsta kómmízars sem er svo kanski líka skilningssljór á okkar hagsmuni.

Eða ætlum við kanski að reka þennan æviráðna Kómmízar ESB ?

Nei við munum ekki hafa nein völd til þess og bara vera á hnjánum, háðir persónulegu duttlungum og geðþótta misviturra embættismanna og ofurseldir hinum stóru hagsmunum voldugustu aðilanna í ESB. 

Við megum þá bara taka það sem að okkur er rétt og malda kanski rétt í móinn inná hálf valdalausu puntþingi ESB þar sem við ættum aðeins í mesta lagi 4 fulltrúa af 720.

Það getur vel verið að þessi Olli Rehn sé okkur frekar hliðhollur núna blessaður karlinn, en þetta sýnir nákvæmlega það sem ég og fleiri höfum haldið fram að það er algjörlega ófært fyrir okkur sem þjóð, að hagsmunir okkar séu meira og minna háðir duttlungum eða gæsku eða gæskuleysi þessara andlitslausu embættismanna forræðis hyggjunnar hjá ESB ráðunum.

Algerlega ófært ! 

[Jón Valur Jensson, 20.4.2009 kl. 11:31]

Vilhjálmur, gleymir þú ekki einhverju?

Í skoðanakönnun, sem gerð var þann 7. apríl fyrir Stöð 2 og Fréttablaðið, reyndust 54,4% andvígir aðildarviðræðum við ESB, en hlynntir aðildarviðræðum voru 45,6%. Það er því ekki ósk þjóðarinnar að stefna í slíkar viðræður.

En vel á minnzt: Olli Rehn! – stækkunarstjórinn sem er svo æstur í að koma okkur inn í Evrópubandalagið (m.a.s. Benedikt Jóhannesson vitnar um áhuga hans og bandalagsins). Í sjónvarpsfréttum 20. nóv. sl. sagði hann: “Í sjávarútvegs-stefnunni eins og á öðrum sviðum höfum við takmarkaða heimild fyrir tilslakanir, það þýðir að þjóð fer að sameiginlegri stefnu. Það eru leiðir til að auðvelda aðlögun, en meginreglan er að þjóð eins og Íslendingar skuli fara að almennum reglum” (leturbr. jvj).

Ennfremur sagðist hann í viðtali við Fréttablaðið 8. nóv. sl. "þess fullviss að Ísland gæti uppfyllt aðildarskilyrðin [í sjávarútvegsmálum] og lagað sig að sameiginlegri sjávarútvegsstefnu ESB." Og svo segir í sömu frétt: "Inntur nánar eftir þessu ítrekar hann að það séu engin fordæmi fyrir varanlegri undanþágu. Hann fái ekki séð „hvers vegna Ísland ætti ekki að geta undirgengist sameiginlegu sjávarútvegsstefnuna.""

Eins og um þetta segir á Heimssýnar 13. nóv. sl.: "Ísland á m.ö.o. að laga sig að sjávarútvegsstefnu Evrópusambandsins en það er hins vegar alls ekki í boði að sjávarútvegsstefna sambandsins verði löguð að hagsmunum Íslendinga. Þetta er í fullu samræmi við reynslu Norðmanna af síðustu aðildarviðræðum þeirra við Evrópusambandið fyrir um 15 árum. Þeim var aðeins boðið upp á tímabundinn [þriggja ára! – jvj] aðlögunartíma að sjávarútvegsstefnu sambandsins, en varanlegar undanþágur voru ekki frekar í boði þá en í dag. Við aðild að Evrópusambandinu heyrði íslenska fiskveiðilögsagan sögunni til og yrði eftirleiðis aðeins hluti af "Evrópusambandshafinu" eins og það er kallað. Öll yfirstjórn sjávarútvegsmála Íslendinga yrði færð til sambandsins. Þar yrðu teknar allar veigameiri ákvarðanir um íslensk sjávarútvegsmál. Aðkoma Íslendinga að þeim málum yrði eftir það nánast engin enda fer vægi aðildarríkja Evrópusambandsins innan þess fyrst og fremst eftir því hversu fjölmenn þau eru. Samkvæmt þeirri meginreglu sambandsins yrði vægi Íslands lítið sem ekkert og allir möguleikar til áhrifa eftir því, þ.m.t. á sjávarútvegsmálin."

[Ómar Bjarki Kristjánsson, 20.4.2009 kl. 12:13]

"Hann fái ekki séð „hvers vegna Ísland ætti ekki að geta undirgengist sameiginlegu sjávarútvegsstefnuna."

Eg tek nú undir með vini okkar Óla þarna.  Það eru engar sérstakar ástæður fyrir andstöðu við sameiginlegu sjávarúvegsstefnuna. 

Sko, þetta er úreltur frasi.  Hefur ekki áhrif lengur að segja bara "Sameiginleg sjávarútvegsstefna"  er voða vond Grýla útí ESB etc.   Jú jú virkaði fyrir nokkrum árum en nú er þekkingin almennt á málefninu orðin það mikil á Íslandi að svona Grýlusögur virka ekkert.

[Jóhanna Magnúsar- og Völudóttir , 20.4.2009 kl. 12:53]

Samtals eru 6358 á skrá, þar af 4012 karlar og 2346 konur.

[Egill M. Friðriksson, 20.4.2009 kl. 13:08]

Gunnlaugur: Umrædd könnun sem þú vísar í fann ég hérna: http://eyjan.is/blog/2009/04/11/konnun-meirihluti-landsmanna-andvigur-umsokn-um-adild-ad-evropusambandinu/

Ég set mjög stóran fyrirvara við þessa könnun. Eins og kemur fram í lok fréttarinnar þá er spurningin eftirfarandi: Á Ísland að sækja um aðild að Evrópusambandinu? Það er ekki verið að spyrja um aðildarviðræður heldur öllu frekar inngöngu í ESB. Það skiptir máli að spurningarnar séu skýrar og réttar sem ég tel að sé ekki tilfellið.

Kannanir sem að Samtök Iðnaðarins hafa látið Gallup gera fyrir sig sýna að það hefur ávallt verið meirihluti fyrir viðræðum frá febrúar 2002 til janúar 2009 (Heimild: http://www.si.is/malaflokkar/althjodlegt-samstarf/evropumal/skodanakannanir/). Þetta hefði ég talið vera nægilega skýrt merki um að meirihluti Íslendinga vilja fara í aðildarviðræður.

[Egill M. Friðriksson, 20.4.2009 kl. 13:11]

Það má kannski bæta því við að mér finnst eins og andstæðingum Evrópusambandsins finnst í lagi að styðjast við skoðanakannanir þegar það hentar þeim (sem er mjög sjaldan) en annars ekki.

[Einar (IP-tala skráð) 20.4.2009 kl. 13:27]

Það var athyglisvert hvernig ESB með England í fararbroddi náðu að kúga þessa vanhæfu íslensku ráðherra til að taka á sig stjarnfræðilegar upphæðir í skuldbindingar vegna til dæmis Icesave ofl. ...annars var ekki séns á því að fá þetta blessaða lán frá IMF.

Hvað er með það lán núna? eru þeir fjármunir ekki bara ósnertir inná bankareikning? Vextirnir sem við Íslendingar þurfum að borga af því eru.. 3-500 milljónir á mánuði heyrði ég einhverstaðar.

Hvað er hægt að segja við svona. Hvað með hryðjuverkalögin frá ríkisstjórn Englands sem gerði útslagið og gekk endanlega frá efnahag þjóðarinnar... kaupþing hrundi.

Miðað við hegðun ESB i þessu máli .. efast ég stórlega um að við fáum einhvern sérdíl í aðildarviðræðum. Sum atriði má ekki gefa frá okkur.. veiðimiðin.. þessi gullkista sem við eigum í hafinu sem á eftir að hjálpa okkur að, ef farið er rétt að málunum ... komast út úr þessari kreppu. Þessa auðlind megum við ekki missa.

Síðan er ákveðið að við munum veiða hvali í sumar. Hvað gerir ESB? þeir reyna að stoppa það... reyndar orðuðu það öðruvísi .. en ég held að allir hafi skilið hvað var á bakvið þessa ályktun þeirra  á dögunum. Þeir reyna að stöðva okkur.. við þessar ótrúlegu efnahagslegu aðstæður okkar ... stöðva okkur í því að nýta okkur auðlind sem við eigum... hvað mundu þeir reyna að stöðva næst.. ef við gæfum þeim betri aðstöðu til þess..?

Mjög dapurlegt að sjá fólk halda það að innganga í ESB muni leysa okkar vandamál.

Það er bara fjarri lagi. Við þurfum að vinna í okkar málum ... ekki bara framselja sjálfstæði okkar og auðlindir til Brussel.

Kannski smá ýkjur????

... en fj%$$% hafi það, framkoma Breta.. við okkur þegar við vorum í þessum gífurlegu vandræðum.. hvað gerðu hinar ESB þjóðirnar til að hjálpa okkur við þessar aðstæður?

Þeir voru ekki margir sem buðust til að lána okkur peninga.. Færeyingar, Pólland? Noregur ef ég man rétt, ekki samt alveg viss.

Ég segi allavega nei takk við ESB.

[Ómar Bjarki Kristjánsson, 20.4.2009 kl. 14:05]

"Það er bara fjarri lagi. Við þurfum að vinna í okkar málum ... ekki bara framselja sjálfstæði okkar og auðlindir til Brussel."

Já já við ætlum nú einmitt að vinna í okkar málum.  Grunnurinn að þeirri vinnu er aðildaviðræður við ESB núna í Júní og aðild verður náttúrulega samþykt í kjölfarið.

Og nei, við erum ekki a fara framselja einhverjar fokking auðlyndir til Brussel.

Þetta með sjálfstæði og fullveldi er alveg ofnotað og ýkt alveg lengst inná heiði.  Hvað er sjálfstæði ? Hvenær er Þjóð/einstaklingur sjálfstæð og hvenær er þjóð/einstaklingur ekki sjálfstæð ? Þar er efinn, eins og maðurinn sagði.

Fullveldi er eins og mál hafa þróast á síðustu áratugum ekki síst það, að taka þátt í starfi alþjóðastofnanna þar sem ákvarðanir svæða og einstakra ríkja eru teknar.  Þessvegna er aðild að ESB beisikallí styrking á fullveldi íslands.  Meira fullveldi.

[Einar (IP-tala skráð) 20.4.2009 kl. 14:16]

Þú ert fljótur að afgreiða þessar spurningar mínar Ómar.

En hvað hefurðu fyrir þér í því? þegar ég tala um auðlindir, að þá er ég að tala um fiskimiðin fyrir utan 12 mílna lögsöguna. Heldur þú að við fáum einhvern sérdíl með þær gífurlegu auðlindir sem þar eru að finna. Ef við göngum í ESB ... heldur þú að við verðum þeir einu sem veiða þar??

Við vitum báðir svarið við því.

Og hvað varðar fullveldi .. að þá erum við litla Ísland ... 300 þúsund manna þjóðin ... ekki .. eða varla með stóra rödd inann þessa stóra bákns.

En þú skýtur þessar spurningar mínar í kaf her fyrir ofan ... mér þætti vænt um að þú kæmir með rök fyrir því. Það er ekki nóg að segja "Nei, þetta er ekki satt" ... 

[Ómar Bjarki Kristjánsson, 20.4.2009 kl. 14:43]

"Ef við göngum í ESB ... heldur þú að við verðum þeir einu sem veiða þar??"

Það verður nánast óbreytt ástand varðandi veiðiréttindi frá því sem nú er.  Þökk sé sameiginlegu sjávartútvegsstefnu ESB, hinni voðavondu Grýlu !  Reglan um hlutfallslegan stöðugleika.  Það verður miðað við síðustu kannski 10-15 ár eða svo og úthlutað i samræmi við það.

Það sem mun breytast, í stuttu máli, er að heildarkvótanum er formlega séð úthlutað frá Brussel (í staðinn fyrir ísl. sjávarútvegsráðuneytið)  Smá formbreyting en engin eðlisbreyting.

Og þetta er sagt miðað við að engin undanþága eða sérlausn fengist. 

[ThoR-E, 20.4.2009 kl. 14:50]

Ég get verið þér sammála með það að .. ef við förum í aðildarviðræður .. og það kemur viðunnandi niðurstaða .. að þá eigum við að láta kjósendur ráða.

[Vilhjálmur Þorsteinsson, 20.4.2009 kl. 16:11]

Það er mýta að sjávarútvegsstefnan verði vandamál eða skaði íslenska hagmuni svo nokkru nemi.  Stofnum sem eru ekki flökkustofnar og við höfum samfellda veiðireynslu í, verður úthlutað til íslenskra aðila.  Í versta falli er okkur svo heimit að setja löndunarskilyrði og gera aðrar ráðstafanir sem tryggja þá hagsmuni sem máli skipta.  Einnig væri okkur heimilt að leigja kvótana og tryggja þannig rentu ríkissjóðs af þeim.  Í öllu falli er ekkert sem bendir til að ásættanleg niðurstaða sé fyrirfram útilokuð í samningum.  Þar að auki eigum við að horfa heildstætt á kosti og galla, það er ekki eins og sjávarútvegurinn einn eigi að ráða öllu um þessa ákvörðun.

[Haukur Nikulásson, 20.4.2009 kl. 18:25]

Mér finnst það einfeldni á háu stigi að ætla að Íslendingum se betur borgið í ESB. Það hefur aldrei gagnast nokkurri þjóð í veraldarsögunni að verða útnáranýlenda og enn síður þegar um er að ræða svo fámenna þjóð sem okkur.

Við hljótum að viðurkenna að bandalag á borð við ESB er tímaskekkja og eineltisklíka. Við eigum að stefna að því að viðskipti í heiminum séu alls staðar frjáls á milli allra þjóða og ganga á undan með slíku fordæmi.

Ef við fellum einhliða niður tolla bætum við lífskjör okkar. Við getum einhliða tekið upp dollar sem gjaldmiðil og þurfum ekki að láta ESB kúga okkur til inngöngu eins og nú er skipulega gert með því að múta bæði stjórnmálasamtökum og skólum sem kenna svokölluð "Evrópufræði" sem er bara lítt dulbúin landráðastarfsemi.

Ég skil stöðu þína Vilhjálmur í sambandi við rekstur en það er of dýrkeypt að selja sjálfstæði heillar þjóðar fyrir rekstur CCP og annarra útflytjenda sem er bara gert í sjálfmiðuðu hagnaðarskyni.

Megnið af okkar vandamálum eru heimatilbúin. Við getum samt ekki verið með svo mikla vanmáttarkennd að við hendum stjórn þessa lands í hendur ráðamanna í Brussel sem gefa ekki skít fyrir það hvað okkur finnst sem þjóð þegar megintilgangur yfirgangs þeirra er að komast yfir þjóðarauð okkar bæði lönd og hafsvæði sem yrði ESB afar ríkuleg viðbót og fátt fólk sem þarf að kaffæra.

Maðurinn hefur ekki þroskast svo mjög að stjórnendum ESB (og væntanlega einráðum forseta á borð við Tony Blair) verði treystandi fyrir öllu bixinu.

[Vilhjálmur Þorsteinsson, 20.4.2009 kl. 21:06]

Haukur, "útnáranýlenda" er bara merkingarlaus orðaleppur.  Við yrðum jafnfætis Danmörku, Svíþjóð og Finnlandi, og öðrum þeim Evrópuþjóðum sem við eigum 2/3 hluta okkar utanríkisviðskipta við.

Að mínu mati eru einöngruð þjóðríki mun meiri tímaskekkja en bandalag lýðræðis- og velferðarríkja á borð við ESB, á tímum þar sem sífellt fleiri úrlausnarefni ná yfir landamæri (loftslags- og umhverfismál, glæpastarfsemi, verkalýðsmál, eftirlit á fjármálamörkuðum, kreppuráðstafanir...)

Við getum ekki tekið einhliða upp dollar eða nokkurn annan gjaldmiðil, af því að við eigum ekki gjaldeyri til þess.  Bara innistæður í íslenskum viðskiptabönkum nema 1.200 milljörðum króna.  Hvar ætlarðu að finna dollara til að skipta þessum krónum?  Skiptin yfir í evru yrðu 100% fjármögnuð af evrópska seðlabankanum.

Það er enginn að kúga okkur til inngöngu, við göngum inn ef við viljum og út líka ef við viljum, það gerðu Grænlendingar (reyndar einir þjóða).

Rekstur útflutningsfyrirtækja, á borð við CCP, er verulega þjóðhagslega mikilvægur, mikilvægari en flest annað.  Hvar annars staðar eigum við að afla gjaldeyristekna til að greiða lán og innflutning og efla lífskjör?

Brussel er ekki með neinn yfirgang og mun ekki "komast yfir" neitt.  Það er til dæmis rugl að ESB aðild hafi nokkur áhrif á auðlindir í jörðu, t.d. jarðhita eða olíu.  ESB er með sameiginlega sjávarútvegsstefnu vegna þess að fiskistofnar við strendur Evrópu eru flestir flökkustofnar sem fara á milli fiskveiðilögsaga og löndin urðu að koma sér saman um nýtingu þeirra.  Ef svo væri ekki, þyrfti enga sjávarútvegsstefnu og hún væri ekki fyrir hendi.

Það er allt of algengt að afstaða sé tekin til ESB á grundvelli alls konar hæpinna forsenda og á grundvelli delluumræðu sem hefur verið lengi um þetta mál.  Sem betur fer hefur umræðan orðið upplýstari og málefnalegri hin seinni árin, sem skilar sér í stórauknu fylgi við aðildarumsókn meðal íhuguls fólks á borð við þeirra 6.000 sem hafa skráð sig á www.sammala.is.

[Anna Benkovic Mikaelsdóttir, 21.4.2009 kl. 00:12]

Aðildarumsókn er til umræðu N'UNA....ekki seinna!  Við erum 7600 á skrá www.sammala.is og er sú tala að hækka með hverjum sólarhring!

Erum sammála um þetta mál, að tala við ESB!

[Vilhjálmur Þorsteinsson, 21.4.2009 kl. 00:32]

Bíddu nú við, ert þú ekki sama Anna Benkovic Mikaelsdóttir og er í framboði fyrir VG?  Guð láti gott á vita, segi ég bara, og velkomin í hópinn.

[Anna Benkovic Mikaelsdóttir, 21.4.2009 kl. 00:34]

HIHIHI....

Það er tilfinningamál hjá mér (VG) að þjóðin sjálf fái að kjósa um aðildarviðræðurnar ...útkomuna!!!...það er einnig RÖKRÉTT OG RÉTTLÁTT!

[Vilhjálmur Þorsteinsson, 21.4.2009 kl. 01:03]

Já, frábært, það verður ekki erfitt að mynda stjórn með þessu áframhaldi

[HG (IP-tala skráð) 22.4.2009 kl. 11:43]

þegar þetta er skrifað eru 9792 sammála um að ganga til aðildarviðræðna

Þjóðin er að vakna eða öllu heldur, spretta á fætur !

[ThoR-E, 22.4.2009 kl. 12:49]

9792 af 250.000 kosningabæru fólki...

Mér sýnist þið verða að herða ykkur ef þetta á að ganga upp.

[Jón Valur Jensson, 22.4.2009 kl. 13:27]

... eins og það er nú auðvelt að gera þetta á þessari vefsíðu!