Silkiklædda þotuliðinu haldið til haga

 

Eftirfarandi ummæli Ögmundar Jónassonar af www.ogmundur.is, sem segja mjög mikið um hugsunarhátt vinstri grænna, eru of merkileg til að týnast, svo ég held þeim til haga hér:

Er jafnaðarsamfélaginu fórnandi fyrir 12 milljarða og nokkra stráka og stelpur í silkigöllum; þotuliðið? Eða eigum við að snúa spurningunni við: Er þotuliðinu fórnandi fyrir meiri jöfnuð og félagslegt réttlæti? Mitt svar er játandi...

Með 12 milljörðunum meinar hann víst fjármagnstekjuskatt (10%) af hagnaði bankanna á fyrstu 9 mánuðum ársins 2006, sem var 120 milljarðar skv. blogginu.  Af hverju tekjuskattur bankanna er ekki inni í þessari tölu veit ég ekki, en Ögmundur er ekkert allt of sleipur í mekanismum skattkerfisins, eða hagkerfisins yfirleitt.   Upphaflegu bloggfærsluna hans Ögmundar má sjá hér.

Athugasemdir

[Gestur Guðjónsson, 30.4.2007 kl. 00:13]

Þessu þarf að halda til haga. Væri gaman að vita hvar hann ætlar að skera niður á móti.

[Vilhjálmur Þorsteinsson, 30.4.2007 kl. 01:53]

Í stuttu máli: hann vill jafna niður á við.  Það er æskilegra, skv. Ögmundi, að allir hafi það jafnskítt, heldur en að allir hafi það gott en einhverjir talsvert betra.

[Gestur Guðjónsson, 2.5.2007 kl. 19:39]

Í framhaldi af þessu og kostulegum skattaþætti gærkvöldsins, settist ég niður og bjó til lítið yfirlit yfir hvað hlutirnir kosta. Hvað er stórt og smátt. Byrjaði í smá stríðni við Samfylkinguna, en mun leiðrétta það og fylla betur í eftir því sem menn koma með athugasemdir.

[Guðmundur Björn, 2.5.2007 kl. 19:51]

Ömmi fúli er auðvitað hættulegur landi þjóð - og ef kemst til valda (guð forði okkur frá því), heiminum!